ویب ڈیسک: مقبوضہ کشمیر، بنگلادیش اور بھارت میں بھی آج عیدالفطر منائی جارہی ہے جبکہ مقبوضہ بیت المقدس میں مسجد اقصیٰ میں ہزاروں فلسطینیوں نے نماز عید میں شرکت کی۔
بھارتی دارالحکومت نئی دہلی کی جامع مسجد میں نماز عید کے بڑے اجتماع کا اہتمام کیا گیا، ممبئی کی جامع مسجد ماہم درگاہ اور مدھیہ پردیش، بھوپال کی عیدگاہ مسجد میں نماز عید کی ادائیگی کی گئی۔
عمان، انڈونیشیا اور برونائی میں بھی آج عید منائی جارہی ہے، برطانیہ، امریکا، کینیڈا میں کمیونٹی تقسیم کی وجہ سے بعض نے کل منائی اور بعض آج عید منا رہے ہیں۔
سعودی عرب، متحدہ عرب امارات، قطر اور فلسطین میں اتوار کو عیدالفطر منائی گئی تھی ، مسجدالحرام اور مسجد نبوی میں نماز عید کے بڑے اجتماعات ہوئے جس میں لاکھوں افراد نے شرکت کی، مقبوضہ بیت المقدس میں مسجد اقصیٰ میں ہزاروں فلسطینیوں نے نماز عید میں شرکت کی، متحدہ عرب امارات میں بھی نماز عید کے اجتماعات ہوئے۔
